الجواز على طريقة ال Marketers

الفكرة للرائعه شرين بدر والصياغة للعبد لله 

الجواز على طريقة ال Marketers

ازاي سيادتك كعروسة تأهلى نفسك للظهور في محركات بحث العرسان

لو انتى بنت في سن الجواز وعاوزة تأهلى نفسك لمحركات بحث العرسان أو بلغة ال Marketers  تعملى SEO  لنفسك

هتعملى إيه علشان توقعي المنيل على عينه ؟ , أولا لازم تفكرى هو بسلامته بيفكر إزاي وعاوز إيه , وإيه المواصفات اللى بيدور عليها ودي اللى بنسميها ال Keywords  , فسيادتك هتقعدى كده تمخمخي وتشوفى هو لما هيجي يدور هيدور على إيه , مثلا أنا عاوزها طويله , تخينة , متدينه , بيضاء , بتعرف تعمل بطاطس باللحمه .. إلخ .

وهى دي ال Keywords  اللى بسلامته هيدور عليها وإنتى بقى هتلعبى عليها علشان تجيبي رجله :D 

بعد ماحددتى المواصفات اللى هو عاوزها , هتشوفى بقى هل المواصفات دى موجوده فيكي ولا لا , اللى موجود هتبدأى توضحيها أكتر وتظهريها , واللى مش موجود هتحاولى تحسني من نفسك علشان تكتسبيه , يعني مثلا لو مش بتعرفى تطبخى عليكي وعلى قناة فتافيت مثلا علشان تتعملى الطبخ , وهكذا وبكده إنتى بدأتى تأهلى نفسك للظهور في محركات بحث العرسان  وده اللى بنسميه ك Marketers ال Content  :D 

بعد ما عملتى Content  حلو وسمعتك تبقى زي الفل هتبدأ الناس تلاحظ ده وهيبدأوا يعرفوا إن في البيت الفلاني فى بنت فلان , بنت محترمه وبنت ناس وعلى وش جواز , فا لما حد يسئلهم عن عروسة أكيد هيرشحوكى لسيادته وده اللى بنسميه ال Backlinks  ,

وهو بسلامته طبعا لما هيجي يدور أكيد هيسئل مثلا الجيران والأهل والأصدقاء والممعارف أو ممكن يسئل خاطبة مثلا , وده اللى بنسميه ال Tools   اللى في منها المجاني اللى هو هيبقى الأصدقاء والمعارف , وفي منها المدفوع اللى هي الخاطبة :D

المهم بقى بعد ما جبنا رجله وخلاص خد القرار إنه هيجيب أهله ويجي يدخل البيت من بابه , أبوس إيدك بلاش الأفورة في المكياج وجو البلياتشوهات و بلاش الألوان الفاقعه والحاجات اللى بتنور اللى ممكن تعمله زغللة في عينه وتخليه أول مايشوفك يسيب البيت ويمشي وده اللى بنسميه ال bounce rate .

بعد ماجبنا رجله بقى وظهرنا بمظهر كويس وماجبناش للراجل عمى ألوان تيجي بقى مرحلة الدلع , أو مسمى آخر مرحلة التظغيط , وزي مابيقولوا إن أقرب وسيله لقلب الراجل هى معدته فالازم علشان تخليه يقعد عندك أطول فترة ممكن لازم تقدميله اللى هيخليه قاعد , أنواع الأكل المختلفة بقى من لحوم وطيور وكل ما تشتهى الأنفس وتلذ الأعين , وفواكه وحلويات (إوعدنا يارب ) , المهم ده بقى اللى بيسموه عندنا relevant content  وده اللى هيخليه يقعد أطول فترة ممكنه ويخليه يرجع تاني ليكى  :D