اتسراتيجية دى تبقى خالتك

ماتستغربش من العنوان لأن ده فعلا هيكون رد الناس اللى شغالين بمدأ اللوكشة لما تسئلهم إنت عامل استراتيجية ولا مش عامل , لو عاوز تعرف إيه هو مبدأ اللوكشة كمل قراءة وانت تعرف .

بقولك إيه عندى ليك عروسة لقطة .

حبيب قلبي , ارغى .

موظفة ومحترمة وبتقبض لوكشة حلوة وعندهم بيت وممكن يدوك شقة فيه .

ياصلاة العيد  , أموت أنا , بينا نطلع عليهم .

اتقل بقى ماتبقاش غشيم أنا هظبطلك الليلة دى .

بالظط اللى بيمشي بمدأ " اللوكشة " في الجواز غالبا بيلبس في الحيط زي ال " Marketer  " اللى بيمشى بمبدأ  " اللوكشة  " في ال " Marketing " .

وبما إن مبدأ اللوكشة بقى اسلوب حياه فتعالوا ننصح اخواتنا المقبلين على الجواز إزاى يعملوا إستراتيجية أو

  " Marketing strategy " علشان مايلبسوش في الحيط  ويبقوا زي أخونا اللى في الصورة اللى فوق دى .

أول حاجة انت لازم تحدد إنت عاوز إيه بالظبط وبالتفصيل الممل يعني عاوزها محجبة ولا لا , بتشتغل ولا لا , سنها كام تعليمها إيه وكل كبيرة وصغيرة تخصها وده بقى اللى بيسموه في "  Marketing Strategy"  ال " Persona "  إنت بتحدد إنت بتستهدف إيه بالظبط .

تانى حاجة بعد ماعرفنا مواصفات ست الحسن والجمال اللى احنا عاوزينها هبدأ بقى أفكر أنا هوصلها إزاى دي , هل مثلا هيبقى جواز صالونات , ولا حد معرفه يرشحهالى , ولا عن حب " إوعدنا يارب " ولا هجيبها منين بقى وده في ال

 "  Marketing " اسمه ال "   Channel" واللى معناها الحاجة اللى أنا بستهدفها دى هلاقيها فين بالظبط (Facebook , twitter , youtube, ….. )

وطبعا سيادتك هتكون محدد إنت ليه عاوز ترتبط عن حب أو جواز صالونات أو موظفة علشان بتقبض لوكشة حلوة , المهم تكون محدد انت هتختار الاختيار ده ليه , وده اللى بنقول عليه في  ال " Marketing  "

" Why use this channel " أنا ليه هستخدم ال " Channel "  دى وابدأ أحدد ليه .

ولازم وانا بختار يكون عندى هدف محدد وواضح ومتاح وواقعى يعنى مثلا ماتقوليش أنا عاوز أتجوز أنجلينا جولى طبعا هى تتمنى بس براد بيت مش كيس جوافه بردو , فخليها عليك معلش , وحاجة كمان لازم تكون محدد بوقت ماتسيبهاش عايمه كده يعني تحدد مثلا أنا فى خلال 3 شهور اكون اخترت البنت المناسبة وده بقى اللى الجماعه بتوع ال

" Marketing "  بيقولوا عليه ال " SMART Goal "  واللى هو اختصار ل Specific " " , " Measurable " 

, " Attainable "  , " Realistic "  , " Timely  " , واللى هما بالعربي حسب ترتيبهم محدد , قابل  للقياس , تحقيقة متاح , واقعى , محدد بوقت .

خلاص حددنا واستقرينا وعرفنا مين سعيدة الحظ اللى وقع عليها الاختيار ودخلنا البيت من بابه والدنيا بقت زبادى في الخلاط وكله بقى تمام التمام , خلاص بقى كده ولا إيه ؟ .

أكيد لا طبعا مش خلاص احنا لازم نتأكد باستمرار من إن العلاقة تمام والأمو صافية وحرارة الحب في ارتفاع مستمر  

 " هحححححح " ولو مش في ارتفاع لازم نتصرف وزي مابيقولوا بصلة المحب خروف فا مفيش مانع من وردة , شوكولاته من أم 3.5  اللى بقت ب 4 L أو حتى كلمة حلوة علشان نعمل زي ما الجماعة بتوع ال  " Marketing "  بيقولوا نعلى ال " Engagement  "  (; وده بقى حبايبنا بتوع ال " Marketing " بيقولوا عليه ال "  KPI" أو

 " Performance Indicator  Key "  لازم نتأكد إن الأداء عالى دايما ;)

وآخر حاجة بقى لازم تكون محدد انت اخترت اختيارك ده ليه , هل قلبك اللى اختارها علشان تشاركك حياتك وأحلامك وتكون  سندك , ولا اخترتها موظفة علشان  اللوكشة ;)   وده بقى اللى بنسميه في " Marketing "  ال " ROI " أو

" Return On Investment "  وده بقى بيبقى حاجة من إتنين يا "  Financial" اللى هى الموظفة اللى بتجيب فلوس أو "  Non Financial" واللى هى الحبيبة اللى هتكون سندك فى الحياة ;)  .